Danimarka – İngiltərə matçının ən yaxşı futbolçusu açıqlandı

Almaniyada keçirilən Avropa çempionatının qrup mərhələsinin 2-ci turunda baş tutan Danimarka – İngiltərə matçının (1:1) ən yaxşı futbolçusu müəyyənləşib.

Komanda.az UEFA-nın mətbuat xidmətinə istinadən xəbər verir ki, danimarkalıların heyətində Pyer-Emil Hoyberq qarşılaşmanın ən yaxşı oyunçusu seçilib.

90 dəqiqə ərzində meydanda olan 28 yaşlı futbolçu görüşü yüksək səviyyədə keçirib.