Dostları Dani Alveşə borc verməkdən imtina edib

Banklardan biri “Barselona”nın keçmiş müdafiəçisi Dani Alveşə İspaniya həbsxanasından çıxa bilməsi üçün 1 milyon avro kredit verməyə razılaşıb.

Komanda.az “Mundo Deportivo”-ya istinadən xəbər verir ki, martın 20-də futbolçunun apellyasiya şikayətinə baxılarkən həbsdən azad olunması üçün 1 milyon avro məbləğində girov ödəyə biləcəyi məlub olub. Alveşin dostları ona borc verməkdən imtina ediblər.

Fevralın 22-də Barselona məhkəməsi 2022-ci ildə gecə klubunda qıza təcavüz edən 40 yaşlı futbolçunu 4,5 il müddətinə azadlıqdan məhrum edib. Bundan əlavə, braziliyalı müdafiəçi zərərçəkmişə mənəvi təzminat şəklində 150 min avro ödəməyə məcbur edilib.