Motta: “Daim pressinq edən komandaya qarşı yaxşı oynadıq”

“Yuventus”un baş məşqçisi Tiaqo Motta “Torino” ilə oyunu (1:1) şərh edib.

Komanda.az “Sports Sky”-a istinadən xəbər verir ki, o, komandasının çıxışını yüksək qiymətləndirib:

“Daim pressinq edən və heç bir zonanı tərk etməyən komandaya qarşı yaxşı oynadıq. Oyunumuzun səviyyəsi hesabı açmağa imkan verdi. Lakin daha sonra “Torino” dönə-dönə cərimə meydançamıza daxil olmağa başladı və bu, təhlükəli oldu. Birinci hissənin sonunda qol buraxdıqdan sonra ikinci hissədə rəqibə heç nə etməyə imkan vermədik. Üstünlüyə malik idik, çox hücuma keçdik, amma qol vura bilmədik”.

“Yuventus” bu mövsüm A Seriyasında keçirdiyi 19 oyunda bir dəfə də olsun məğlub olmayıb və 12 dəfə heç-heçə edib.