“Biz daha yaxşısını edə bilərik” – Pioli

“Milan”ın baş məşqçisi Stefano Pioli Çempionlar Liqasının qrup mərhələsinin 2-ci tur matçında Zaqreb “Dinamo”su üzərində qazanılan qələbəni şərh edib (3:1).

Komanda.az UEFA-nın rəsmi saytına istinadən xəbər verir ki, o, daha yaxşı nəticələr əldə edə biləcəklərini deyib:

“Futbolçularıma Çempionlar Liqasını qazanmağa layiq olduğumuzu söylədim. Azarkeşlər də buna layiqdirlər. Ancaq biz daha yaxşısını edə bilərik. Rəqibimiz kim olursa olsun, nəticələrimiz özümüzdən asılıdır. Təbii ki, yüksək səviyyəli komandalara qarşı oynayırıq və səviyyəmizi yüksəltməyə borcluyuq”.

“Milan” ÇL-in qrup mərhələsində 4 xal toplayıb və E qrupunun turnir cədvəlinə başçılıq edir. Komanda oktyabrın 5-də, 3-cü turda “Çelsi” ilə qarşılaşacaq.