“Daha yaxşı mübarizə apara biləcəyimizi sübut etdik” – Sulşer

İngiltərənin “Mançester Yunayted” klubunun baş məşqçisi Ole-Qunnar Sulşer komandanın vəziyyəti ilə bağlı açıqlama verib.

Komanda.az İngiltərə mətbuatına istinadən xəbər verir ki, norveçli mütəxəssis, mövsümə pis başlasalar da, ili arzuedilən kimi tamamladıqlarını bildirib:

“Mövsümə istədiyimiz kimi başlaya bilmədik, bəzi futbolçularımız komandaya gec qoşuldu. Buna görə də, mövsümün əvvəlindəki fürsətlərimizi qaçırdıq. Oktyabrdakı beynəlxalq fasilədən sonra daha güclü təsir bağışladıq. İli də istədiyimiz kimi, daha güclü şəkildə bitirdik. Bir il ərzində yaxşı iş gördüyümüzü düşünürəm. Daha yaxşı mübarizə apara biləcəyimizi sübut etdik. Geniş və güclü heyətimiz var”.