Daha üç futbolçu koronavirusa yoluxdu – “Fənərbaxça”da

“Fənərbaxça”nın daha üç futbolçusunda koronavirus aşkarlanıb.

Komanda.az xəbər verir ki, bu barədə İstanbul təmsilçisinin rəsmi saytı məlumat yayıb.

Xəbərdə kollektivin növbəti dəfə COVİD-19 testindən keçdiyi diqqətə çatdırılıb. Nəticədə 3 oyunçunun virusa yoluxduğu üzə çıxıb. Adları açıqlanmayan futbolçular karantinə alınıblar.

Qeyd edək ki, “Fənərbaxça” Türkiyə Super Liqasının 15-ci turunda istirahət edir. Sözügedən komanda növbəti matçını yanvarın 4-də “Kasımoaşa”ya qarşı keçirəcək.