ÇL: “Daha sərfəli nəticəyə layiq idik” – Modriç

“Real”ın yarımmüdafiəçisi Luka Modriç UEFA Çempionlar Liqasının yarımfinalının “Mançester Siti” ilə görüşünü (1:1) şərh edib.

Komanda.az xarici KİV-ə istinadən xəbər verir ki, xorvat futbolçu cavab oyununa pozitiv çıxacaqlarını dilə gətirib:

“Fasilə zamanı baş məşqçimiz Karlo Ancelotti topa daha çox sahib olmağımızı, yaradıcı çıxış etməyimizi istədi. Eduardo Kamavinqa yarımmüdafiədə yaxşı çıxış etdi.

Daha sərfəli nəticəyə layiq idik. Cavab qarşılaşmasında qalib gələcəyimizə inanırıq. Həmin oyuna daha pozitiv çıxacağıq”.

“Mançester Siti” – “Real” cütünün cavab qarşılaşması mayın 17-də, saat 23:00-da başlayacaq.