“Daha çox qollar vurmağı xoşlayıram” – Jota

“Liverpul”un futbolçusu Dioqo Jota İngiltərə Premyer Liqasının 31-ci turunun “Lids”lə oyununu (6:1) şərh edib.

Komanda.az “Sky Sports”-a istinadən xəbər verir ki, o, qələbəyə layiq olduqlarını söyləyib:

“Məncə, fasilədən sonra daha yaxşı oynadıq. Topu özümüzdə saxlamağı bacardıq. Gözəl qollar vurduq. Qələbəyə layiq idik. Nəhayət, qol vura və dubl edə bildim.

Komanda üçün, eyni zamanda, mənim üçün çətin mövsüm keçir. Vurulan bütün qollarda iştirak etmək istəyirəm. İlk hissə məhsuldar ötürmə etdim, amma daha çox qollar vurmağı xoşlayıram”.

Mersisayd təmsilçisi hazırda İngiltərə çempionatının turnir cədvəlində 47 xalla 8-ci, “Lids” isə 29 xalla 16-cı pillədə qərarlaşıb.