Daha bir tanınmış futbolçu Səudiyyə Ərəbistanına köçə bilər

“Monako”nun hücumçusu Bril Embolo Səudiyyə Ərəbistanına köçə bilər.

Komanda.az xarici KİV-ə istinadən xəbər verir ki, İsveçrə millisinin futbolçusu Səudiyyə Ərəbistanı klublarından birinin diqqətini çəkib.

Embolonun özü İtaliyanın top klubları – “Roma” və “Milan”ın marağına baxmayaraq, karyerasını Səudiyyə Ərəbistanında davam etdirməyin əleyhinə deyil.

28 yaşlı hücumçu ötən mövsümdə “Monako”nun heyətində 7 qol vurub və 9 məhsuldar ötürmə edib. Onun Fransa klubu ilə müqaviləsinin müddətı gələn ilin yayında başa çatacaq. “Transfermarkt”a görə, Embolonun dəyəri 12 milyon avrodur.