İbrahimoviç karyerası ilə bağlı qərar verib

“Milan”ın hücumçusu Zlatan İbrahimoviç İtaliya klubundakı gələcəyi ilə bağlı danışıb.

Komanda.az DAZN-a istinadən xəbər verir ki, o, daha bir neçə il oynamağı planlaşdırdığını deyib:

“Əla formada olanda dünyanın ən yaxşısı oluram. Zarafat etmirəm. İndiki durumda olsam, daha bir il “Milan”da çıxış edəcəm. Daha bir neçə il oynamağı planlaşdırıram”.

41 yaşlı isveçli futbolçu 2020-ci ilin yanvarından “Milan”da çıxış edir. Onun klubla hazırkı müqaviləsi 2023-cü ilin yayında başa çatacaq.