Daha bir azərbaycanlı idmançı Tokio-2020 ilə vidalaşdı

Daha bir azərbaycanlı idmançı Tokio Yay Olimpiya Oyunlarında mübarizəni dayandırıb.

Komanda.az xəbər verir ki, üzgüçü Maksim Şemberev qarışıq üsulla 400 metr məsafəyə yarışda uğursuz çıxış edib. Maksim 4 dəqiqə 19,40 saniyəlik nəticə ilə ikinci təsnifat qrupunu sonuncu – 8-ci sırada tamamlayıb.

O, digər qrupların nəticələrindən də asılı olaraq, ilk 8-liyə düşə bilmədiyi üçün finala çıxmaq şansını itirib.

Bundan əvvəl cüdoçular Kəramət Hüseynov, Aişə Qurbanlı, pnevmatik tapançadan 10 metr məsafəyə atəşaçmada Ruslan Lunyov, boksçu Tayfur Əliyev Tokio-2020-də mübarizəni dayandırıb.