Dadaşovun komandasının oyununda 10 qol

Futbol üzrə Almaniyanın Qərb Regional Liqasında 34-cü turun oyunları keçirilib.

Komanda.az xəbər verir ki, Azərbaycan yığmasının hücumçusu Rüfət Dadaşovun formasını geyindiyi “Şalke” klubunun ikinci komandası da növbəti matçına çıxıb.

Sözügedən kollektiv doğma meydanda Münhenqladbax “Borussiya”sının ikinci komandası ilə qarşılaşıb. Futbolçumuzun komandası bu oyundan heç-heçə ilə ayrılıb – 5:5.

Rüfət də bu görüşün iştirakçısı olub. O, start heyətdə meydana çıxıb və sonadək oynayıb. Komandasının ikinci qolunu da 23-cü dəqiqədə penaltidən dəqiq yararlanan Dadaşov vurub.

“Şalke”nin ikinci komandası hazırda 49 xalla 18 kollektiv arasında 9-cu pillədə qərarlaşıb.