Dadaşovun komandasından “Sportinq” üzərində qələbə

Futbol üzrə Portuqaliya Sequndasında 28-ci turun oyunları keçirilib.

Komanda.az xəbər verir ki, Azərbaycan yığmasının futbolçusu Renat Dadaşovun formasını geyindiyi “Eştoril” də növbəti matçına çıxıb.

Sözügedən kollektiv səfərdə Kovilya “Sportinq”i ilə qarşılaşıb. Futbolçumuzun komandası bu oyundan qələbə ilə ayrılıb – 2:1.

Dadaşov bu oyunun iştirakçısı olmayıb. O, sonadək ehtiyatda qalıb.

“Eştoril” 28 oyuna topladığı 48 xalla 18 kollektiv arasında 4-cü pillədə qərarlaşıb.