Dadaşovlu “Şalke”dən inamlı qələbə

Futbol üzrə Almaniyanın Qərb Regional Liqasında 9-cu turun oyunları keçirilib.

Komanda.az xəbər verir ki, Azərbaycan yığmasının hücumçusu Rüfət Dadaşovun şərəfini qoruduğu “Şalke”nin ikinci komandası da növbəti matçına çıxıb.

Sözügedən kollektiv səfərdə Düsseldorf “Fortuna”sının ikinci komandası ilə qarşılaşıb. Futbolçumuzun komandası bu oyundan qələbə ilə ayrılıb – 4:2.

Rüfət də bu oyunun iştirakçısı olub. O, 73-cü dəqiqədə meydana buraxılıb.

“Şalke”nin ikinci komandası 9 turdan sonra 16 xalla 18 kollektiv arasında 4-cü pillədə qərarlaşıb.