Dadaşovlu “Şalke”dən heç-heçə

Futbol üzrə Almaniyanın Qərb Regional Liqasında 9-cu turun oyunları keçirilib.

Komanda.az xəbər verir ki, Azərbaycan yığmasının sabiq hücumçusu Rüfət Dadaşovun şərəfini qoruduğu “Şalke”nin ikinci komandası da növbəti matçına çıxıb.

Sözügedən kollektiv doğma meydanda “Ştralen”lə qarşılaşıb. Futbolçumuzun komandası bu oyundan heç-heçə ilə ayrılıb – 1:1.

Rüfət də bu oyunun iştirakçısı olub. O, komandasının start heyətində meydana çıxıb və sonadək mübarizə aparıb. Azərbaycanlı hücumçu 90-cı dəqiqəqə sarı vərəqə ilə də cəzalanıb.

“Şalke 2” bu nəticədən sonra 11 xalla 20 kollektiv arasında 11-ci pillədə qərarlaşıb.