Dadaşovlu “Şalke” səfərdə uduzdu

Futbol üzrə Almaniyanın Qərb Regional Liqasında 13-cü turun oyunları keçirilib.

Komanda.az xəbər verir ki, Azərbaycan yığmasının hücumçusu Rüfət Dadaşovun şərəfini qoruduğu “Şalke”nin ikinci komandası da növbəti matçına çıxıb.

Sözügedən kollektiv səfərdə “Vattenştayd”la qarşılaşıb. Futbolçumuzun komandası bu oyundan məğlubiyyətlə ayrılıb – 1:2.

Rüfət də bu oyunun iştirakçısı olub. O, start heyətdə meydana çıxıb və sonadək oynayıb.

“Şalke”nin ikinci komandası 13 turdan sonra 20 xalla 18 kollektiv arasında 6-cı pillədə qərarlaşıb.