Dadaşovlu “Şalke” doğma meydanda uduzdu

Futbol üzrə Almaniyanın Qərb Regional Liqasında 27-ci turun oyunları keçirilib.

Komanda.az xəbər verir ki, Azərbaycan yığmasının hücumçusu Rüfət Dadaşovun şərəfini qoruduğu “Şalke”nin ikinci komandası da növbəti matçına çıxıb.

Sözügedən kollektiv doğma meydanda “Essen”lə qarşılaşıb. Futbolçumuzun komandası bu oyundan məğlubiyyətlə ayrılıb – 1:2.

Rüfət də bu oyunun iştirakçısı olub. O, start heyətdə meydana çıxıb və sonadək mübarizə aparıb. Azərbaycanlı futbolçu 6-cı dəqiqələrdə sarı vərəqə ilə də cəzalanıb.

“Şalke 2” bu nəticədən sonra 31 xalla 20 kollektiv arasında 11-ci pillədə qərarlaşıb.