Dadaşovlu “Qrasshopper” “Sürix”lə bacarmadı

Futbol üzrə İsveçrə çempionatında 34-cü turun oyunları keçirilib.

Komanda.az xəbər verir ki, Azərbaycan millisinin hücumçusu Renat Dadaşovun formasını geyindiyi “Qrasshopper” də növbəti matçına çıxıb.

Sözügedən kollektiv səfərdə “Sürix”lə qarşılaşıb. Futbolçumuzun komandası bu oyundan məğlubiyyətlə ayrılıb – 1:2.

Renat da bu görüşün iştirakçısı olub. O, 60-cı dəqiqədə meydana buraxılıb.

“Qrasshopper” 34 turdan sonra 43 xalla 10 iştirakçı arasında 6-cı pillədə qərarlaşıb.