![](https://komanda.az/wp-content/uploads/2023/08/rufet-dadasov-780x446.jpg)
Dadaşov qol vurdu, komandası qələbə qazandı
Azərbaycan millisinin sabiq hücumçusu Rüfət Dadaşovun çıxış etdiyi “Dinamo” (Berlin) Almaniyanın Şimal-Şərq Regional Liqasında növbəti oyununu keçirib.
Komanda.az xəbər verir ki, paytaxt təmsilçisi çempionatın 22-ci turunda “Jena” ilə qarşılaşıb və səfər matçında 3:2 hesablı qələbəyə sevinib.
Meydana start heyətində çıxan Dadaşov sonadək oynayıb. Komandasının ilk qolunu da 4-cü dəqiqədə penaltidən fərqlənən Rüfət vurub.
“Dinamo” hazırda 42 xalla 2-ci pillədə qərarlaşıb.
Bizi Telegramda izləyin
Bizi Facebook-da izləyin