Dadaşov oynadı, komandası heç-heçə etdi

Futbol üzrə Polşa çempionatında 31-ci turun oyunları keçirilir.

Komanda.az xəbər verir ki, bu gün Azərbaycan millisinin üzvləri – Rahil Məmmədovla Renat Dadaşovun formasını geyindiyi “Radomyak” səfərdə “Pyast”ın qonağı olub. Qarşılaşma 0:0 hesablı bərabərliklə başa çatıb.

Renat Dadaşov da bu matçın iştirakçısı olub. 26 yaşlı forvard 75-ci dəqiqədə meydana daxil olub. Rahil Məmmədovun adı oyunun iştirak ərizəsində yer almayıb.

31 turdan sonra 37 xal toplayan “Radomyak” turnir cədvəlinin 13-cü pilləsində qərarlaşıb.