“Çox xoşbəxtəm ki, o, başqası ilə deyil, bizimlədir” – Klopp

“Liverpul”un baş məşqçisi Yurgen Klopp klubun transfer siyasətini şərh edib.

Komanda.az “Sky Sports”-a istinadən xəbər verir ki, almaniyalı mütəxəssis klubun transferlər üzərində xüsusi şəkildə işlədiyini bildirib:

“Liverpul”da transferlər üzərində xüsusi şəkildə işləyirlər. Hər şeyin nəticə verəcəyinə tam inam lazımdır. Düşünmürəm ki, hansısa əsas transferimiz uğursuz oldu. Bəziləri Darvin Nunyes deyəcək, amma o, əla oyunçudur. Və mən çox xoşbəxtəm ki, o, başqası ilə deyil, bizimlədir. İlk il onun üçün çətin oldu, lakin o, artıq layiqli sayda qol vurub”.

İngiltərə çempionatının 21-ci turunun matçında “Liverpul” “Bornmut”u 4:0 hesabı ilə məğlub edib. Kloppun komandası 48 xalla Premyer Liqanın turnir cədvəlində birinci yerdədir.