DÇ-2022: “Jiru cərimə meydançasında çox təhlükəlidir”

Danimarkalı mərkəz müdafiəçisi Andres Kristensen mətbuat konfransında fransalı hücumçu Olivye Jiru ilə bağlı fikirlərini bölüşüb.

Komanda.az xəbər verir ki, danimarkalı futbolçu Fransa millisinin hücumçusunu tərifləyib:

“Jiru dünyanın ən yaxşı hücumçularından biridir. O, çox güclüdür və topu yaxşı qəbul edir. Bəli, o, çox sürətli deyil. Lakin cərimə meydançasında çox təhlükəli futbolçudur”.

DÇ-2022-nin qrup mərhələsi çərçivəsində Fransa ilə Danimarka bu gün qarşılaşacaq. Oyun saat 20:00-da başlayacaq.