“Ranyeri özümüzə inanmağımızı təmin etdi” – Belçikalı futbolçu

“Roma”nın yarımmüdafiəçisi Aleksis Salemakers derbidə “Latsio” üzərində qazanılan qələbəni (2:0) şərh edib.

Komanda.az DAZN-a istinadən xəbər verir ki, belçikalı futbolçu bunun inanılmaz olduğunu bildirib:

“Bu, inanılmazdır. “Milan”da olduğum müddətdə Milan derbisində iştirak etmək imkanım oldu, amma bu, xüsusi bir şeydir. Çox şadam ki, qol vurdum və komandaya kömək etdim, indi də eyni ruhda davam etmək istəyirik.

Lorenzo Pelleqrini? Avtobusda onu ruhlandırdıq, dedik ki, bu gün qol vuracaq, belə də oldu. Onun üçün çətin dövr idi, amma o, çox vacib oyunçudur, əlbəttə ki, hamımız ona yaxınıq.

Klaudio Ranyeri? O, əfsanədir. Çətin anda kluba gəldi, bizi doğru yola qaytardı, özümüzə inanmağımızı təmin etdi, bu qələbə onun və azarkeşlərindir”.

25 yaşlı futbolçu 2024-cü ildən “Roma”da çıxış edir.