“Özümü çox hazır hiss edirəm” – Alonso

“Bayer”in yeni baş məşqçisi Xabi Alonso çox motivasiyalı olduğunu deyib.

Komanda.az “Kicker” nəşrinə istinadən xəbər verir ki, ispan mütəxəssis özünü hazır hiss etdiyini bildirib:

“Bu dəfə əsas məşqçi kimi meydanlarda olacam. İndi mən özümü hazır hiss etdiyim üçün bu addımı atmışam. Özümü çox hazır hiss edirəm. Klubdakı insanlara çox motivasiyalı olduğumu açıq şəkildə demişəm”.

“Bayer” 40 yaşlı ispaniyalı ilə 2024-cü ilin iyun ayının sonuna qədər müqavilə imzalayıb. O, əvvəllər “Real”ın akademiyasında və “Real Sosyedad”ın ikinci komandasında çalışıb.