Con Obi Mikel rəsmən Türkiyə klubunda

“Çelsi”nin sabiq futbolçusu Con Obi Mikel karyerasını Türkiyədə davam etdirəcək.

Komanda.az xəbər verir ki, 32 yaşlı yarımmüdafiəçi “Trabzonspor” klubu ilə razılıq əldə edib. Bu barədə Super Liqa təmsilçisinin rəsmi saytı məlumat yayıb. Mikellə 2+1 şərti ilə müqavilə imzalanacaq.

2006-2017-ci illər aralığında “Çelsi”də forma geyinən Mikel, son olaraq, İngiltərənin “Middlsbro” klubunun uğurları üçün çalışıb.