ÇL: “Xüsusi bir şey etmədik”

“İnter”in müdafiəçisi Françesko Açerbi UEFA Çempionlar Liqasının yarımfinalının “Milan”la görüşünü (2:0) dəyərləndirib.

Komanda.az xarici KİV-ə istinadən xəbər verir ki, 35 yaşlı futbolçu finala gedən yolda xüsusi bir şey etmədiklərini bildirib:

“Cavab oyununda diqqətli olmalıyıq. Finala doğru kiçik addım atdıq. Xüsusi bir şey etmədik. Bizim bu gün etdiyimizi rəqib növbəti oyunda edə bilər”.

“İnter” – “Milan” cütünün cavab qarşılaşması 16 mayda, saat 23:00-da start götürəcək.