ÇL: “Mançester Siti” kifayət qədər yaxşı deyildi”

“Mançester Siti”nin müdafiəçisi Ruben Diaş UEFA Çempionlar Liqasının 6-cı turunun matçında “Yuventus”a məğlubiyyəti (0:2) şərh edib.

Komanda.az UEFA-nın mətbuat xidmətinə istinadən xəbər verir ki, portuqaliyalı futbolçu “Mançester Siti”nin kifayət qədər yaxşı olmadığını bildirib:

“Rəqib iki qol vurdu, biz vurmadıq. Şanslarımız oldu, amma yararlana bilmədik. Beləliklə, “Mançester Siti” kifayət qədər yaxşı deyildi. Biz həm komanda, həm də fərdi olaraq daha yaxşı oynamalıydıq”.

“Şəhərlilər” bu nəticədən sonra ümumi cədvəldə 22-ci yerə düşüb.