Salahdan 2 yeni rekord

“Liverpul”un futbolçusu Məhəmməd Salah UEFA Çempionlar Liqasında iki rekorda imza atıb.

Komanda.az xarici KİV-ə istinadən xəbər verir ki, 30 yaşlı hücumçu buna Şotlandiyada “Reyncers”i 7:1 hesabı ilə məğlub etdikləri qrup mərhələsinin 4-cü tur oyununda yiyələnib.

76, 80 və 81-ci dəqiqələrdə fərqlənən misirli hücumçu 6 dəqiqə 12 saniyəyə het-trik etməyi bacarıb.

Əvvəlki rekord hazırda Türkiyənin “Qalatasaray” komandasında çıxış edən Bafetimbi Qomisə məxsus olub. 37 yaşlı hücumçu 2011-ci ildə Fransa “Lion”unda çıxış edən zaman Xorvatiyanın “Dinamo” (Zaqreb) klubu ilə görüşdə 8 dəqiqəyə 3 qol vurub.

Bundan əlavə, Salah qitənin bir nömrəli klub turnirində ən çox fərqlənən afrikalı futbolçu ünvanına da sahib çıxıb. Çempionlar Liqasındakı qollarının sayını 45-ə yüksəldən hücumçu Fil Dişi Sahilindən olan Didye Droqbanı (44 qol) geridə qoyub.