ÇL: “Salah və Mbappe hamı kimi insanlar olduqlarını göstərdilər”

“Liverpul”un baş məşqçisi Arne Slot UEFA Çempionlar Liqasının “Real”la oyununda (2:0) Kilian Mbappenin və Məhəmməd Salahın fərqlənə bilmədiyi penaltidən danışıb.

Komanda.az UEFA-nın mətbuat xidmətinə istinadən xəbər verir ki, niderlandlı çalışdırıcı, Salah və Mbappenin hamı kimi insanlar olduqlarını göstərdiklərini bildirib:

“Salah və Mbappe hamı kimi insanlar olduqlarını göstərdilər. Kilianın zərbəsi zamanı Kelleher özünü yaxşı tərəfdən göstərdi. O, inanılmaz bir şey etdi. Digər qapıçımız Alisson Bekker də bunu etməyi xoşlayır”.

“Liverpul” Çempionlar Liqasının liqa mərhələsində 5 oyunda 5 qələbə qazanıb. Slotun komandası maksimum nəticə ilə turnir cədvəlinə başçılıq edir. “Real” isə 6 xalla 24-cüdür.