ÇL: “Real” kimi komandada oynayırsansa, bunu təbii qəbul etməlisən”

“Real”ın yarımmüdafiəçisi Çud Bellingem Çempionlar Liqasının 1/4 final mərhələsinin cavab matçında “Mançester Siti” üzərində qazanılan qələbəni (1:1, pen – 4:3) şərh edib.

Komanda.az “Madrid Universal”-a istinadən xəbər verir ki, o, bunları deyib:

“Mançester Siti” üzərində qələbə? “Real” kimi komandada oynayırsansa, bunu təbii qəbul etməlisən”.

“Real” penaltilər seriyasında qalib gələrək, “Arsenal”ı məğlub edən (1:0) “Bayern”lə qarşılaşacağı turnirin yarımfinalına yüksəlib.

20 yaşlı Bellingem bu mövsüm 35 oyun keçirib, 20 qol vurub və 10 məhsuldar ötürmə edib.