
ÇL: “Qarabağ”ın pley-off oyunlarının təqvimi açıqlandı
“Qarabağ”ın UEFA Çempionlar Liqasının pley-off mərhələsində Çexiyanın “Viktoriya” (Plzen) klubuna qarşı keçirəcəyi oyunların təqvimi açıqlanıb.
Komanda.az xəbər verir ki, “köhlən atlar” ilk matçını avqustun 17-də Bakıda oynayacaq. Tofiq Bəhramov adına Respublika stadionunda keçiriləcək görüş saat 20:45-də başlayacaq.
Komandalar arasında cavab qarşılaşması isə avqustun 23-də Plzendə olacaq. Oyun Bakı vaxtı ilə saat 23:00-da başlayacaq.
“Qarabağ” 3-cü təsnifat mərhələsində Macarıstan “Ferentsvaroş”unu mübarizədən kənarlaşdırıb.
Bizi Telegramda izləyin
Bizi Facebook-da izləyin