ÇL: “Qarabağ”ın “Ludoqorets”lə oyunlarının hakimləri müəyyənləşib

“Qarabağ”ın Bolqarıstanın “Ludoqorets” komandasına qarşı keçirəcəyi UEFA Çempionlar Liqasının 3-cü təsnifat mərhələsinin oyunlarına təyinatlar açıqlanıb.

Komanda.az AFFA-nın rəsmi saytına istinadən xəbər verir ki, Bakıdakı ilk görüşü İsveçrədən, Razqraddakı cavab qarşılaşması isə İtaliyadan olan hakimlər briqadasına həvalə edilib.

Azərbaycan çempionu əvvəlki mərhələdə Cəbəllütariqin “Linkoln” komandasını, rəqib isə Belarusun “Dinamo” (Minsk) kollektivini mübarizədən kənarlaşdırıb.

6 avqust

20:00. Qarabağ – Ludoqorets
Baş hakim: Urs Şnyder
Baş hakimin köməkçiləri: Marko Zürker, Benjamin Zürker
Dördüncü hakim: Sven Volfensberger
VAR hakimləri: Fedayi San, Johannes von Mandac
Tofiq Bəhramov adına Respublika stadionu

13 avqust

22:00. Ludoqorets – Qarabağ
Baş hakim: Simone Sozza
Baş hakimin köməkçiləri: Giorgio Peretti, Davide İmperiale
Dördüncü hakim: Matteo Marketti
VAR hakimləri: Canluca Aureliano, Marko Serra
Ludoqorets Arena