ÇL: “Qarabağ”ın 3-cü təsnifat mərhələsində səbəti və bir potensial rəqibi məlum olub

“Qarabağ”ın 2023/2024 mövsümündə UEFA Çempionlar Liqasının 3-cü təsnifat mərhələsində yer alacağı səbət müəyyənləşib.

Komanda.az xəbər verir ki, “köhlən atlar” turnirin ilk iki mərhələsində büdrəməsə, növbəti mərhələdə də səpələnmişlərin sırasında olacaq.

“Qarabağ” ÇL-də yoluna davam edə bilsə, ən azı pley-offa qədər bütün mərhələlərin püşkatmasında güclülərin səbətində qərarlaşacaq.

3-cü təsnifat mərhələsindəki bir potensial rəqib də məlumdur. Azərbaycan çempionu ilk iki mərhələni keçsə, buradakı 6 mümkün rəqibdən biri Yunanıstan təmsilçisi AEK (Afina) olacaq.

Çempionlar Liqasında iyunun 20-də 1-ci, 21-də 2-ci təsnifat mərhələsinin, iyulun 24-də isə 3-cü mərhələnin püşkü atılacaq.