ÇL: “Qarabağ” bu gün “Çelsi” ilə qarşılaşacaq

“Qarabağ” bu gün UEFA Çempionlar Liqasının 4-cü turunda “Çelsi” ilə üz-üzə gələcək.

Komanda.az xəbər verir ki, oyun Tofiq Bəhramov adına Respublika stadionunda, saat 21:45-də start götürəcək.

Görüşü avstriyalı FİFA referisi Sebastyan Qishamer idarə edəcək.

Azərbaycan çempionu hazırda 6 xalla 15-ci, eyni xala malik olan London təmsilçisi 13-cü sıradadır.

“Qarabağ” 1-ci turda Portuqaliyada “Benfika”nı (3:2), 2-ci turda Bakıda Danimarkanın “Kopenhagen” komandasını (2:0) məğlub edib. “Köhlən atlar” 3-cü turda İspaniyada “Atletik”ə (1:3) uduzub.