ÇL: “Oyunumuzu göstərməyə çalışdıq”

PSJ-nin yarımmüdafiəçisi Əşrəf Hakimi UEFA Çempionlar Liqasında “Bayern”ə səfərdə məğlub olduqları (0:1) oyundan sonra fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, mərakeşli futbolçu oyunlarını göstərməyə çalışdıqlarını bildirib:

“Oyunumuzu göstərməyə çalışdıq, güclü rəqibə qarşı çətin matç olacağını bilirdik. Oyunun gedişinə nəzarət etmək istəyirdik, lakin “Bayern” yaxşı pressinq etdi və topu özündə saxladı. İndi diqqətimizi qalan üç matça yönəltməliyik”.

Paris klubu Çempionlar Liqasında uğursuz çıxış edir. Luis Enrikenin komandasının 5 oyundan sonra 4 xalı var və turnir cədvəlinin 26-cı pilləsində qərarlaşıb.