ÇL: “Mançester Siti” üzərində qələbəni azarkeşlərimizə həsr edirik”

PSJ-nin baş məşqçisi Luis Enrike Çempionlar Liqasında “Mançester Siti” üzərindəki qələbədən (4:2) sonra azarkeşlərə təşəkkür edib.

Komanda.az UEFA-nın mətbuat xidmətinə istinadən xəbər verir ki, ispaniyalı çalışdırıcı dünyanın ən yaxşı azarkeşlərinin onların olduğunu bildirib:

“Deməliyəm ki, dünyanın ən yaxşı azarkeşləri bizimdir. İstər evdə, istərsə də səfərdə bizə dəstək olmaqdan heç vaxt əl çəkmirlər. “Mançester Siti” üzərində qələbəni onlara həsr edirik.

PSJ-nin mövsümün ən yaxşı oyunu? İntensivlik baxımından “Bayern”lə oyun da eyni səviyyədə idi. Yeganə fərq insanların yaddaşında qalan nəticədir”.

İkinci hissədə 0:2 hesabı ilə məğlub olan parislilər sonradan geridönüş edərək qalib gəlməyi bacarıb.