“Mançester Siti” “Real”dan daha yaxşı idi” – Keçmiş futbolçu

“Liverpul”un sabiq müdafiəçisi Cimi Karrager Çempionlar Liqasının 1/4 final mərhələsinin “Mançester Siti” ilə “Real” arasında keçirilən cavab oyunu haqda danışıb.

Komanda.az “CBS Sports”-a istinadən xəbər verir ki, ingiltərəli keçmiş futbolçu, “şəhərlilər”in “Real”dan daha yaxşı oynadığını bildirib:

“Mançester Siti” meydanda “Real”dan daha yaxşı idi. Lakin Çempionlar Liqasında “kral klubu”ndan həmişə xüsusi bir şey gözləmək olar”.

“Real” Çempionlar Liqasının yarımfinal mərhələsində dünən “Arsenal”ı məğlub edən “Bayern”lə qarşılaşacaq. Karlo Ançelottinin komandası “Mançester Siti”yə penaltilər seriyasında qalib gələrək, yarımfinala yüksəlib.