ÇL: “Maksimum gücümüzlə oynamalıyıq” – Tuxel

“Çelsi”nin baş məşqçisi Tomas Tuxel Çempionlar Liqasının 1/4 finalında “Real”la cavab oyunundan əvvəl mətbuat konfransında iştirak edib.

Komanda.az xarici mətbuata istinadən xəbər verir ki, almaniyalı məşqçi, mərhələni keçmək üçün əllərindən gələni edəcəklərini bildirib:

“Çox çətin oyun olacaq. İlk matçda kifayət qədər aqressiv oynamadıq. Bundan başqa, rəqibin fiziki hazırlıq baxımından aşkar üstünlüyü var idi. Çünki “Real” il ərzində beş əvəzetmə ilə oynadı. Biz ən tələbkar çempionatda çıxış edirik və bir mövsümdə ən çox oyun keçirmişik.

Hesabda önə keçmək ehtimalımız azdır, amma cəhd etməyə dəyər. Bunun üçün maksimum gücümüzlə oynamalıyıq. Çalışacağıq ki, ilk matçdakından daha yaxşı çıxış edək”.

“Real” – “Çelsi” matçı bu gün saat 23:00-da başlayacaq. İlk oyunda Madrid klubu 3:1 hesabı ilə qalib gəlib.