ÇL: “Avropanın ən güclü komandalarından birinə qarşı oynamalıyıq”

“Bayern”in baş məşqçisi Vensan Kompani PSJ-nin gücünü necə qiymətləndirdiyini açıqlayıb.

Komanda.az GFFN-ə istinadən xəbər verir ki, belçikalı çalışdırıcı Avropanın ən güclü komandalarından birinə qarşı oynamalı olduqlarını bildirib:

“Avropanın ən güclü komandalarından birinə qarşı oynamalıyıq. PSJ-nin görkəmli oyunçuları və dünya səviyyəli məşqçisi var. Önümüzdəki illərdə bir çox PSJ oyunçusu Lionel Messi, Neymar və Zlatan İbrahimoviçin əvvəllər göstərdiklərinə nail ola biləcəklər”.

Münhen komandası bu gün UEFA Çempionlar Liqasının ümumi mərhələsinin 5-ci turunda öz meydanında parisliləri qəbul edəcək.

“Bayern” Çempionlar Liqasında 4 turdan sonra 6 xalla turnir cədvəlinin 17-ci pilləsində qərarlaşıb. PSJ 4 xalla 25-ci yerdədir.