ÇL: “İndi sakit qalmalıyıq”

“Bayern”in baş məşqçisi Vensan Kompani komandasının quru seriyası haqda fikirlərini bölüşüb.

Münhen klubu UEFA Çempionlar Liqasında evdə “Benfika”nı Camal Musialanın qolu sayəsində məğlub edib (1:0).

Komanda.az xəbər verir ki, belçikalı çalışdırıcı mətbuat konfransında bunun xüsusi bir sirrinin olmadığını bildirib:

“Bunun xüsusi bir sirri yoxdur. “Tottenhem”lə mövsümöncəsi matçdan sonra anladım ki, bizim uşaqlar müdafiədə etibarlı oynamağa qadirdir. İndi sakit qalmalıyıq. Yaxşı oynayırıq, lakin biz həmişə daha da yaxşılaşa, hər zaman bəzi düzəlişlər edə bilərik. Futbolçularıma güvənirəm. Həmçinin, hazırda əlçatmaz olan bir neçə keyfiyyətli müdafiəçimiz var”.

“Bayern” üçün bu, bütün turnirlərdə ardıcıl 4-cü qələbədir. Bu seriya başlamazdan əvvəl “Barselona”ya böyükhesablı məğlubiyyət (1:4) var.