ÇL-in ilkin mərhələsinin qalibi bilindi

Futbol üzrə UEFA Çempionlar Liqasında ilkin mərhələyə yekun vurulub.

Komanda.az xəbər verir ki, ilkin mərhələnin finalında Kosovo çempionu “Priştina” Andorranı təmsil edən “İnter Klub Eskaldes” ilə üz-üzə gəlib.

Kosovo çempionu bu oyundan inamlı qələbə ilə ayrılıb. Nəticədə, “Priştina” ÇL-in 1-ci təsnifat mərhələsinə vəsiqə qazanıb. Sözügedən komanda bu mərhələdə Macarıstan çempionu “Ferentsvaroş”la qarşılaşacaq.

UEFA Çempionlar Liqası
İlkin mərhələ, final

25 iyun

Priştina (Kosovo) – İnter Klub Eskaldes (Andorra) 2:0
Qol: Krasniçi, 45; 58.