ÇL: “Hələ də birbaşa pley-offa vəsiqə qazanmaq şansımız var”

UEFA Çempionlar Liqasının 5-ci turunda səfərdə “Liverpul”a 0:2 hesabı ilə məğlub olan “Real”ın yarımmüdafiəçisi Luka Modriç bu matçla bağlı fikirlərini bölüşüb.

Komanda.az UEFA-nın mətbuat xidmətinə istinadən xəbər verir ki, xorvatiyalı futbolçu yaxşı müdafiə olunduqlarını bildirib:

“Biz yaxşı müdafiə olunduq. Kompakt oynadıq, amma meydanın son üçdə birində nəyisə əskik edirdik. Hələ də birbaşa pley-offa vəsiqə qazanmaq şansımız var, amma oyunumuzu təkmilləşdirməliyik. Qarşıda daha üç çətin oyun var. Bu turnirdə həmişə çətin anlar olur”.

“Real” Çempionlar Liqasında keçirdiyi 5 oyundan 6 xal toplayıb. Karlo Ançelottinin yetirmələri turnir cədvəlinin 24-cü pilləsində qərarlaşıb.