ÇL: “Nəticədə uduzduq, oyunda yox”

“Atalanta”nın baş məşqçisi Can Pyero Qasperini “Real”a məğlubiyyətdən (2:3) sonra fikirlərini bölüşüb.

Komanda.az “Sky Sport”-a istinadən xəbər verir ki, italiyalı çalışdırıcı hər iki komandanın futbol oynamaq istədiyini bildirib:

“Hər iki komanda futbol oynamaq istəyirdi. Heç kim vaxta görə oynamırdı və ya iddia etmirdi. Hər kəs öz gücündən istifadə edərək qalib gəlməyə çalışırdı. Əla futbol oldu. Əlbəttə, məyusuq, amma çox şey öyrənə bildik. Bizdə xırda detallar yox idi, amma böyük çempionlara qarşı ləyaqətlə mübarizə apardıq. Nəticədə uduzduq, oyunda yox. Düşünürəm ki, UEFA superkuboku matçı ilə müqayisədə irəlilədik. Hesabı bərabərləşdirdikdən sonra qələbə qazana biləcəyimizi hiss etdik. İlk hissədə soyuqqanlılığımız yox idi, həm də, ən sonda qol vurmaq şansımız var idi”.

“Real” “Atalanta”ya cari UEFA Çempionlar Liqasında ilk məğlubiyyətini yaşadıb.