ÇL: “Çelsi” “Borussiya”ya məğlub oldu

UEFA Çempionlar Liqasında 1/8 final mərhələsinin bu gün daha iki oyunu keçirilib.

Komanda.az xəbər verir ki, oyunlardan biri Almaniyada Dortmund “Borussiya”sı ilə “Çelsi” arasında olub.

Meydan sahibləri ikinci hissədə vurduqları qol sayəsində meydanı qələbə ilə tərk ediblər.

Digər qarşılaşmada isə “Benfika” Belçikada turnirin sürpriz komandası “Brügge”nin qonağı olub. Bu oyun isə qonaqların inamlı qələbəsiylə yekunlaşıb.

1/8 finalın ilk oyun günündə “Bayern” Fransada PSJ-yə, “Milan” isə evdə “Tottenhem”ə minimal hesabla qalib gəlib.

UEFA Çempionlar Liqası, 1/8 final

İlk oyunlar

15 fevral

Borussiya Dortmund (Almaniya) – Çelsi (İngiltərə) 1:0
Qol: Adeyemi, 63.
Baş hakim: Xesus Gil Manzano (İspaniya)
Dortmund, “Siqnal İduna Park” stadionu

Brügge (Belçika) – Benfika (Portuqaliya) 0:2
Qol: J.Mario, 51-pen. D.Neres, 88.
Baş hakim: Davide Massa (İtaliya)
Brügge, “Yan Breydel” stadionu.