ÇL: “Qarşılaşacağımız istənilən komanda əla olacaq” – “Arsenal”ın kapitanı

“Arsenal”ın yarımmüdafiəçisi və kapitanı Martin Odeqard Çempionlar Liqasının 1/4 finalında qarşılaşmaqdan yayınmaq istədiyi komandaların olub-olmaması ilə bağlı sualı cavablandırıb.

Komanda.az “Goal”-a istinadən xəbər verir ki, norveçli futbolçu, ən möhtəşəm səhnədə olmaq və böyük kuboklar üçün mübarizə aparmaq istədiklərini bildirib:

“Düzünü desəm, bu cür düşünə bilmərik. Bu, dünyanın ən böyük turniridir və qarşılaşacağımız istənilən komanda əla olacaq. Sadəcə, qalib gəlməyə çalışacağıq. Biz ən möhtəşəm səhnədə olmaq, ən böyük matçları oynamaq, ən böyük kuboklar üçün mübarizə aparmaq istəyirik. Mən bura gələndə layihəyə, kluba, onların etdiklərinə, komanda ətrafında baş verən hər şeyə inanırdım. Və indi burada hər şey qaydasındadır”.

“Arsenal” Çempionlar Liqasının 1/8 finalında “Portu”nu məğlub edərək, 1/4 finala yüksəlib.