ÇL: “Bu, xüsusi matçdır”

“Real”ın müdafiəçisi David Alaba Çempionlar Liqasının 1/4 finalında “Çelsi” ilə keçiriləcək oyunu şərh edib.

Komanda.az xəbər verir ki, UEFA-nın rəsmi saytına danışan futbolçu, “Çelsi” ilə matçın xüsusi olacağını deyib:

“Bu qarşılaşmada uğur bir çox amillərdən asılı olacaq. Bu, xüsusi matçdır. Çempionlar Liqasının böyük tarixi var. Biz diqqətimizi oyuna cəmləmişik və məqsədimizə çatmaq istəyirik. “Real” çox vaxt favoritdir, amma biz bu haqda düşünmürük. Məqsədimiz yarımfinala çıxmaqdır. “Çelsi” ilə oyunlarda uğur qazanmağa çalışmalıyıq”.

“Real”la “Çelsi” arasında ilk oyun bu gün, Madriddəki “Santyaqo Bernabeu” stadionunda keçiriləcək. Oyun saat 23:00-da başlayacaq.