ÇL: “Biz hazırıq”

“Mançester Siti”nin yarımmüdafiəçisi Bernardo Silva UEFA Çempionlar Liqasının yarımfinalının “Real”la keçiriləcək qarşılaşmalarından söz açıb.

Komanda.az xarici KİV-ə istinadən xəbər verir ki, portuqaliyalı futbolçu hər zaman hazırlıqlı olduqlarını diqqətə çatdırıb:

“Şübhəsiz ki, biz hazırıq. Bu, hər zaman belə olub. Məncə, komanda hazırda özünə çox güvənir. Düşünürəm ki, daha da irəli gedəcəyik”.

“Şəhərlilər” turnirin 1/4 finalında Almaniya klubu “Bayern”i mübarizədən kənarlaşdırıb (3:0, 1:1).