ÇL: Bu gün “Qarabağ” – “Linkoln” cütünün qalibinin potensial rəqibi müəyyənləşəcək

Bu gün UEFA Çempionlar Liqasında 3-cü təsnifat mərhələsinin püşkatma mərasimi keçiriləcək.

Komanda.az xəbər verir ki, son Azərbaycan çempionu “Qarabağ”ın 2-ci təsnifat mərhələsində Cəbəllütariq “Linkoln”u ilə duelinin qalibinin potensial rəqibi də məlum olacaq.

“Linkoln” – “Qarabağ” cütü püşk zamanı səpələnmişlər sırasında yer alacaq. Bu cütün məğlubu UEFA Avropa Liqasının 3-cü təsnifat mərhələsində iştirak edəcək. Mümkün rəqib bu gün baş tutacaq püşkatmada müəyyənləşəcək.

İsveçrənin Nyon şəhərində keçiriləcək tədbir saat 14:00-da başlayacaq.

UEFA Çempionlar Liqasında 3-cü təsnifat mərhələsinin görüşləri avqustun 6-7-də və 13-də keçiriləcək.