ÇL: “Çoxlu fürsətləri boşa verdik” – Mbappe

PSJ-nin hücumçusu Kilian Mbappe Çempionlar Liqasının qrup mərhələsinin 5-ci turunun “Nyukasl”la matçı (1:1) haqda danışıb.

Komanda.az UEFA-nın rəsmi saytına istinadən xəbər verir ki, fransalı forvard işinin qol vurmaq olduğunu bildirib:

“Mənim işim qol vurmaq və komanda yoldaşlarıma kömək etməkdir. Bu oyunda komandaya daha yaxşı kömək edə bilərdim. Çoxlu şanslarım oldu, amma daha çox qol vura bilmədim. Çempionlar Liqasında fürsət olanda qol vurmalısan. Biz çoxlu fürsətləri boşa verdik”.

PSJ F qrupunda 7 xalla 2-ci yerdədir. “Nyukasl” 5 xalla 3-cü pillədə qərarlaşıb.