ÇL: “Real”a qalib gəlmək üçün bir komanda olmalıyıq”

“Atletiko”nun yarımmüdafiəçisi Rodriqo De Paul UEFA Çempionlar Liqasının 1/8 finalında “Real”la cavab oyunu ilə bağlı gözləntilərini bölüşüb.

Komanda.az AS-a istinadən xəbər verir ki, argentinalı futbolçu belə matçların nəticəsinin bir oyunçudan asılı olmadığını bildirib:

“İlk növbədə, belə matçlarla qarşılaşanda onlardan həzz almalısan. Axı belə oyunlar hər gün olmur.

Belə bir anlayış var ki, “Real”a qalib gəlmək üçün bir komanda olmalıyıq. Belə matçların nəticəsi bir oyunçudan və ya bir aspektdən asılı deyil. Bu miqyaslı matçları yalnız komanda şəklində qazanmaq olar.

“Atletiko”nun hamımızın özümüzü vacib hiss etdiyimiz sıx bağlı komandası var. Biz hamımız bir ümumi işə sadiqik”.

“Atletiko” – “Real” cütlüyünün cavab qarşılaşması bu gün saat 00:00-da start götürəcək. İlk oyun “kral klubu”nun 2:1 hesablı qələbəsi ilə başa çatıb.